[color=blue][size=24] [b]المدعي والشاهد والقاض[/b][/size][/color]

كذا ؟ بدون مقدمات ؟.. ولا سؤال ولا جواب ؟
كذا ؟ على ما يثبت شكوكك .. تبيع وتشتري ؟
كذا ؟ تحسـّـسني برخصـي ؟ وإحتمالات الغيـاب ؟
كذا ؟ تحمـّـلني ذنوبِِ .. خافقي مـنها بـري ؟
حكمت . وأنت المـدّعي . والشاهـد . وقـاضي النصاب
* وأنا إنظلمت .. وجـد جرحي . وأحسب إن جرحي بـري
في شي .. ما هو شي ؟ أتفـه مـن خطاياه .. الصواب
* وشلون لو شـيِِ كبير ؟.. ويفري عروقك فري
أكيد تحجز تذكرة فرقا .. ذهاب بلا إيـاب
وأبقى ضحية ضيق صدرك .. وإدر ياللي ما دري
هذا وأنا احلف لك يمين برب طــه والكتـاب
* وتـرد تحلف لي يميـن .. وحلفـك بكذبي جـري
وأنـت تعرفني .. مسلم ويرجـو النجـاة مـن العـذاب
* ولاني ربـاوة سـرسـرة .. ولا سـلالة سرسري
ولا قول لك عنـد الخطا( كـ شاب ).. ذي نزوة شبـاب
* أقول حقـك .. وإعتذاري تحـت حقك ينبـري
لكن شكواي لإلهـي .. منشي أنسام السحـاب
اللي فرق دورة عطـارد .. عن مدار المشتري
الله وكيلك والوعد من بيننا .. يوم الحساب
* يـومِِ يساوي .. بالقريشي كل عبـــدِِ بـربـري
مدري أقاوم خنجـر أبو زيـد ؟ أو شلفـا ذيـاب؟
أو أترك الثنتين .. وأحتاط الحذر مـن خنجري ؟
أخذتني .. في حجة الظامـى بتأكيد السـراب
وخليتنـي .. أجمع ثياب الضيق .. لجروحٍٍ عـِـري
وحاولت أبيـّن لك متاهات المعاقب والثواب
* وأقطع عـروق الشـك .. دام الغصــن لســّــاتــه طـري
لكن فشلت .. وقلت يالمظلوم لو تدعي تجـاب
* والله لنـا يا نفس .. جدواك التصبـّر .. وإصبري
وأناعلي فكرة .! أحـب أقول ماشا الله ؟؟!! .. إعجاب!!
* قدرت تقطع ذبذبة صوت الخفوق المحتري
كـذا ؟ ولا كنـي هنـا !! وألبستني سـود الثياب
ولا كأني راعي البشـت الطويل أبو الزري ؟! ؟
لكن ومـع هـذا .. بدون مقدمـة .. هـاك الجـواب
تبقـى حبيبـي .. يا حبيبـي .. وإدر ياللي ما دري